2011 оны 11 сарын 14-20 өдрүүдэд Дэлхий дахинаа 123 орны 10 сая хүн буюу бизнесс эрхлэгчид, оюутан залуус, төрийн түшээд болон ентепренерүүд нэгэн дор Global Entrepreneurship Week аянг тэмдэглэн өнгөрүүлсэн билээ. GEW нь хувь хүн болон албан байгууллагад ентепренер сэтгэлгээг суурилууулж, хооронд нь холбож, шинэ санаа, шинэ шийдлээр эдийн засгийн хөгжлийг хурдасгахад чиглэгдсэн юм.

Шинэхэн үүсгэн байгуулагдсан “Шинэ Эхлэх Цэг” ТББ нь дотоодын болон гадаадын 8 ивээн тэтгэгч байгууллага, 25 хамтран зохион байгуулагч байгуулагуудтай хамтран анхны GEW Mongolia 2011 аянг амжилттай өрнүүлж чадсан юм. Бидний ерөнхий ивээн тэтгэгч байгууллага болох Хас Банк, Оюу Толгой ХХК, АПУ ХХК нь бидний үйл ажиллагааг зөвхөн ивээн тэтгээд зогсоогүй , EW Mongolia аянд их чухал үүрэг гүйцэтгэсэн билээ. GEW Mongolia –ийн нийт 10 арга хэмжээнд 700 гаруй залуус оролцсон юм. Монгол улсын ентепренер сэтгэлгээ, жижиг дунд бизнесийн талаар суралцаж, мэтгэлцэж мөн харилцан яриа өрнүүлж олон шийдэлд хүрсэн нь бидний хувьд асар их үр дүнтэй амжилттай долоо хоног болж чадсан гэж дүгнэж байна.

Энэхүү 7 хоногийн турш бид олон хэвлэл мэдээллийн байгууллагуудын анхаарлын төвд байсан юм. МҮОНРТ, 25-р суваг телевиз, Ийгл телевиз, UBS телевиз, ETV, Star телевиз, Монгол телевизийн мэдээний цаг болон зочны цагуудаар улс даяар цацагдсан бөгөөд, Business Times, Үндэсний шуудан зэрэг сонин хэвлэлээр олон нийтэд хүрсэн юм. Мөн мянга мянган хэрэглэгчдийг өөртөө татаж чадсан facebook.com, twitter.com, zindaa.mn, zaluu.com, biznetwork.mn, gogo.mn, zarlig.mn, болон бидний өөрсдийн бүх цахим хуудсуудаар бидний мэдээлэл тавигдаж байсныг дурьдахад таатай байна. Бидний зарим төсөлүүд 2012 он хүртэл үргэлжилж байгаа бөгөөд тун удахгүй “Машин доторх бизнес найраа”, “Монголын төлөө кодлооч ” зэрэг тэмцээнүүдийн ялагч тодрох юм.

Та бүхэнтэй хамтран ажилласандаа бид маш их баяртай байгаа бөгөөд та бүгдийн оруулсан хувь нэмэр Монголын ентепренерүүд болон жижиг дунд бизнесийн зах зээлд асар их боломж авчирсан гэдгийг тодруулж хэлмээр байна. Бид ирээдүйд жижиг дунд бизнес болон ентпренер сэтгэлгээд чиглэсэн олон шинэ үйл ажиллагаа зохион байгуулах бөгөөд та бүгдтэй цаашид ч хамтран ажиллах хүсэлтэй байна. Та бүхэнтэй GEW Mongolia 2012 – оор дахин уулзана гэдэгтээ итгэлтэй байна.