Source: Ardiin Erkh                   Date: 23 July, 2010

Монгол банкны Хяналт шалгалтын газрын захирал Б.Лхагвасүрэн хэлэхдээ УИХ-аас шинэчлэн баталсан Банкны тухай хууль-д заасны дагуу арилжааны банкууд нөлөө бүхий хувь эзэмшигч, Төлөөлөн удирдах зөвлөл, гүйцэтгэх захирал, ерөнхий нягтлан бодогчийн талаарх мэдээллийг олон нийтэд ил болгох ёстой гэсэн хуулийг хэрэгжүүлээгүй тохиолдолд ямар хариуцлага ноогдуулдаг дүрэм журмын дагуу хариуцлага ноогдуулах ёстой гэжээ. 

Төв банкны хувьд арилжааны банкуудын талаарх бүх мэдээлэл бий ч үүнийг гуравдагч этгээд буюу олон нийтэд мэдээлэх ёсгүй. Арилжааны банкууд өөрсдөө хуульд заасны дагуу мэдээлэх ёстой. Энэ 1-дүгээр сард хуульд нэмэлт өөрчлөлт оруулснаар банкны Төлөөлөн удирдах зөвлөлд нэг хараат бус гишүүн сонгогдох ёстой бөгөөд уг хараат бус гишүүнийг сонгох журмыг гаргах ёстой. Тэгэхээр арилжааны банкууд энэ журмыг гарсны дараа хараат бус гишүүнээ сонгоод мэдээллээ нэгмөсөн зарлая гэсэн тайлбар хийж байгаа аж. Мэдээж Төв банкны зүгээс банкуудад зохих анхааруулгуудыг өгсөн.